एदे फोटू ल चपक के मुख्य पेज म लहुंटव—

रविवार, 24 फ़रवरी 2019

देउरगांव के मंदिर म धमाका, एक के मउत अउ 3 घायल


मुख्यमंत्री भूपेश बघेल हासदा ले दुखी, स्‍थानीय प्रशासन करही जांच



अंजोर.ए। बस्‍तर संभाग के जिला जगदलपुर ले थोरकेच दुरिहा के देउरगांव के मंदिर म विस्‍फोट के आरो जइसे ही प्रदेश के मुखिया ल होइस होमन तुरते जानकारी लेवत किहिन के घटना ले महू दुखी हाबवं अउ जेन लइका के जान चले गे ओकर परिवार संग मोर पूरा सहानुभूति हावय येकर संगे-संग जेन मन घायल होय हाबे ओहू मन लघियात बने हो जाए।
नक्‍सल इलाका होए के सेती लोगन डर्राय हाबे फेर अइसे जानकारी मिले हावय के देउरगांव के मंदिर म कोनो प्रकार के विस्‍फोट समान के आरो नइ मिले हावय। धमाका ह कचरा ले होय हाबे अउ से संबंध म स्‍थानीय प्रशासन जांच करके आगू अवगत कराही धमाका के कारण ल। ये घटना म एक लइका मउत अउ संग तीन आदमी घायल होय हाबे जेकर मनके इलाज चलत हाबे।


शनिवार, 8 सितंबर 2018

नक्सली हिंसा म मरे व्यक्ति मनके परिवार वाला मनला 15 लाख के सहायता रासि

दंतेवाड़ा। राज सरकार के निर्देस के अनुसा नक्सली हिंसा म करे लोगन मनके परिवार वाले मनला सहायता रासि के रूप म 15 लाख रूपिया के मदद जिला स्तरीय पुनर्वास समिति कोति ले करे अनुसंसा के बाद कलेक्टर सौरभ कुमार ह तको स्वीकृति दे हावय। अनुसंसा म तीन परिवार श्रीमती नीतू नाग, श्रीमती गंगी कुंजाम अउ श्रीमती लक्ष्मी पोडि़याम ल पांच-पांच लाख रूपिया के सहायता रासि दे जाही। ये स्वीकृत सहायता रासि ह हितग्राही मनके बैंक खाता म डायरेक्ट ट्रांसफर होही।